بدع وجواب بين بن مدوخ وبوشينه وباخضره
هذه الاقوال من ابداعات شعراؤنا المميزين كانت في زواج يسلم بن عوض الكديم في شرج باوهال (الصحصح) قبل اكثر من 60 سنه رحمهم الله جميعا رحمة واسعة واسكنهم فسيح جناته.
اما عن مناسبة هذه المحاورة فالجميع يعرف ماكان يدور من حروب قبلية بين القبائل في ذلك الوقت وقد كانت هناك حرب شرسة بين قبيلة الباوهال وقبيلة مجاورة وقد حصل انشقاق في تلك القبيلة المجاورة وانظم جزء منها الى جانب الباوهال في الحرب وقد مثل كل من الشعار موقف احد الاطراف (الباوهال وطرفي القبيلة الاخرى)
وكما يقولون دائماً المعنى في بطن الشاعر والى المحاورة
بن مدوخ
يسلم تحروا ذا السنه = ولعاد شئ بايمحنه
حتىالحجل بايرهنه = ذي هوعلىاسوامه يطوف
والنيم لاحد ذهنّه = لاعاد صاحب يسهنه
شف ذاالمحبه والشنه = ياذي تبند في الحروف
بوشينه
هاجس معي با تفطنه = وكل قافي يدحنه
في السوق كلن ثمنه = مثل البغيه في القروف
والهيج ذي له قنقنه = بيده سلاسل ممكنه
كمن صَبَح بايدحنه = كلن بعينه بايشوف
بن مدوخ
مبعد معي هاجس علي قدغاب = لما يقع موسم وله صراب = كلن بيصرب في وضيعه
بندق معي يخطي وساعه صاب= بصلح له النتاش والضراب = ان صاب والا بالبيعه
بوشينه
بن مدوخ القى له بدوع = يضمن على روس الفروع = به ذل من قصره وجوع = يحرق على الدنيا بنار
خميس من راسه يصوع = بنِّس بكم ياهل الفروع = وان حد خلف بعطيه شوع= لا هبت انواد المثار
بن مدوخ
خميس يفزعني بذكر الجوع = وانا معي حُرّج وفيه اتبوع=والله لوني في جبل مقطوع =رد بالجوده لها مقسوم
بيني وبين الفقر بطن ابسوع=بين العوادي يقبل المذروع=لصبح كماذي يطرد لمطموع =حدمننا راضي وحد مكسوم
بن مدوخ
انادعاني بن عوض بن سالم= لماوضيعه حيث ماحد يدري
وجاب لي قشوه وقدها يابسه= وقال خذها والحذر لاتحكي
وبعد جونا الحوش حل القسمه= اتقاسموها اثلاث كلن يبكي
الالحامعي والنخش بيدا بقله= والدمدمه فرع بها بالقبلي
بوشينه
الشيخ جاءعندي وداهل قدّره = اعطيه مقداره وكلن به علم
اعطيه قدره والحَلاقه من ميه =من ماظهرفي الحال والقلب النسم
وهمه نسي ذي عام لول في المسب=من قد بنا مبنا معد باينهدم
بعطيه حجه جم ما با تنتسي =وذي بوادي عمد لحم المحتشم
باخضره
اليوم دعوىعندكم ياصاحبي = كلن قده داري بها ما بشكي
خذتو حقيقتنا بغير الصايبه = وان شئ نقا في الحق حط المحلي
ان قد تقادينا على هرج الرضا = والا تقافينا وبدعي ربعي
باجيبهم من حيث يرتدالخبر = ولو ذه صغيره خل كلن يدري
بن مدوخ
انامعي معزوم كلن به علم = يحماني الله لامعي شئ مخفي
وانته قدك داري بحقك عندمن = وانك تبا التجليف بالله بلغي
هوذي تعمدكم وذب الطارفه = وقال خل الهيس وش بايلقي
الراس شله وانشدوعالكرفله = والشحم في المغضاف ذاك المطوي
باخضره
ابعدت في هذاالدعاوي ياحمد = ان باتخارج نفسك ابعد مني
وانكين ذا في الدليّا = والمخرجه والصدق عاده يفتي
يومك بعيدي ما لبا شئ ملزمه= لحنا وبوشينه معا بالمشي
اما تقادينا وخذنا ذي لنا =والا قده عنده ولا هو منسي
بوشينه
بالله وبك يالحق عندك ياحكم = ادعوني اصحابي وانا دوب ادلي
مانا جحز ما قول شئ من ذه وذه = ادلي على اصحابي وعالشيخ ادلي
ولامعي حاضر ولا شاهد معي = انه يبا للصدق عند السلفي
ماحدحضربين المكن والغرفه = شف كل شئ بين معد شئ مخفي
الخبز شله والمرق بيداتي = والضاو في الفانوص شله باثمي
ان الشريعه باتجي عالصايبه = الهيج بارك والمتحمل ظهري
باخضره
بالله وبك يالحق عندك ياحكم = وصاحبي عنده حقايق جم لي
عنده دعيّه في السمايه بيِّنه = واخرى دعاوي لي معد باتنتسي
ان هو يبانا في الشريعه با نرد = وان هو في البشعه معد باقول شي
لما يخارج في الدعاوي ما خرج = تخفيف من ظهره ويبقى ما بقي
وان هو معارض في الدعاوي = كلها حد دوب متـفـود وحد خاذه خلي
ان عاد شئ منصوح ياهل الزاويه = يودي التالي ويبقى لولي
الرئيسية 
التسجيل 
التسجيل 
دخول 
الإثنين سبتمبر 28, 2009 10:03 am